3D Reality Capture · Scan to BIM · Topografía · Dron
En XeoNube facemos escaneados láser 3D, modelos BIM e xemelgos dixitais do estado actual, e xeorreferenciamos fincas para Catastro e o Rexistro da Propiedade. Para arquitectos, enxeñeiros, construtoras, administracións e propietarios. En Bergantiños e toda Galicia.
Tecnoloxía punteira e experiencia real en proxectos internacionais. Todo o que precisas para coñecer e proxectar sobre o que xa existe.
Escaneado láser do estado actual e modelo BIM listo para proxectar.
Entregamos a nube de puntos e o modelo en coordenadas oficiais, listos para cruzar con calquera cartografía.
Medimos a túa finca e xeramos a documentación que esixen Catastro e o Rexistro da Propiedade.
Unha réplica dixital exacta do teu edificio ou infraestrutura, viva e consultable.
O que o escáner de chan non alcanza: alturas, cubertas e exteriores.
Do modelo saen as imaxes co que ensinar o proxecto a un cliente, a un concello ou a quen o teña que aprobar.
O que ao teu estudo lle leva días, automatizámolo con ferramentas á medida.
O que rompe ou atasca o teu modelo, resolvémolo —mesmo en arquivos enormes.
Comprobamos que o teu modelo coincide coa realidade escaneada, ata o milímetro.
Nube de puntos, planta, alzado, sección e modelo Revit as-built. Do láser ao modelo, sobre o mesmo edificio.
A metodoloxía BIM é cada vez máis un requisito, especialmente na obra pública. Partimos dun modelo fiable do estado real e axudámosche a cumprir co que esixe a Administración, traballando conforme á norma internacional ISO 19650 de xestión da información.
O Plan BIM do Goberno e a Lei 9/2017 de Contratos do Sector Público implantan de forma progresiva a esixencia de BIM nas licitacións públicas, seguindo a Directiva europea 2014/24/UE.
O escaneado láser garante que o modelo BIM parte do estado real do edificio, con precisión milimétrica, e non de planos antigos ou incompletos.
Creamos familias e obxectos BIM paramétricos á medida en Revit: cada elemento do modelo, editable, medible e reutilizable.
Entregamos en Revit (RVT) e IFC aberto, co nivel de detalle (LOD) que pida o proxecto. Listo para integrar no teu equipo de traballo.
O LOD non é «mellor ou peor»: é canto detalle leva cada elemento do modelo, e determina o prazo e o prezo. Convén pactalo antes de empezar. Os mesmos catro elementos, nos tres niveis que máis pedimos:
Cada elemento co seu volume e a súa posición: muro de ancho nominal, oco pasante, columna como prisma. Chega para volumetría, superficies e estudos previos.
Cada peza coas súas dimensións reais sacadas da nube: espesores, follas, montantes, basa e capitel. É o nivel habitual para proxecto de execución.
Cornixas, zócalos, recercados, cuarteróns e fustes acanalados. O que pide a rehabilitación, o patrimonio e os edificios protexidos.
Unha finca é unha cousa no terreo, di outra na escritura e figura distinta en Catastro. Cando esas tres non coinciden, alguén ten que medir e asinar. Diso encargámonos nós.
Desde o 24 de xuño de 2025, toda declaración de obra nova esixe inscribir a base gráfica da finca no Rexistro.
Cando o plano de Catastro non se corresponde coa realidade, a única saída é unha RGA asinada por técnico competente.
Cando nacen fincas novas, a base gráfica é obrigatoria sen excepción.
Se o que di o Rexistro, o título e Catastro non cadra, medimos a realidade e documentamos a diferenza.
Medición de campo con receptor GNSS e escáner láser, en coordenadas oficiais.
Entregamos o expediente completo, e gardamos a traza da medición por se algún día fai falta.
En XeoNube combinamos a tecnoloxía de escaneado láser cun fluxo scan-to-BIM traballado segundo a norma UNE-EN ISO 19650, con anos de experiencia en proxectos do Reino Unido.
Iso significa datos precisos, modelos BIM de calidade e un trato directo e próximo — sen intermediarios, falando o teu mesmo idioma técnico.
Capturamos o edificio ou terreo con escáner láser e, se cómpre, dron.
Rexistramos e limpamos a nube de puntos para obter un modelo fiel.
Xeramos o modelo BIM, os planos 2D e as medicións que precises.
Recibes os arquivos no formato que uses: RVT, DWG, IFC, E57, PDF e GML.
Do escaneado sae o modelo 3D e, a partir del, toda a documentación que precise o proxecto: plantas, alzados, seccións, detalles, medicións e renders.
Traballamos con todo tipo de encargo —vivendas e edificios singulares, naves e locais, estruturas metálicas e de formigón, patrimonio e obra pública— e adaptamos a entrega ao que precises: o modelo completo, só as plantas para unha reforma, os alzados dunha fachada, as seccións construtivas, os renders para presentar o proxecto ou simplemente as medicións e superficies.
Nestas imaxes vense modelos reais e o nivel de detalle co que traballamos. Preme en calquera para vela a tamaño completo.
Cóntanos que edificio ou terreo precisas levantar e respondémosche cun orzamento á medida.
XeoNube é beneficiaria dunha subvención da Consellería de Emprego, Comercio e Emigración da Xunta de Galicia, ao abeiro do Programa do bono das persoas traballadoras autónomas (TR341Q · 2026), para impulsar a mellora da competitividade mediante investimentos relacionados directamente co negocio.